Баерн се засили со фудбалер на Гранада

Фудбалскиот клуб Баерн Минхен го договори трансферот на Брајан Сарагоса од Гранада.

Фабрицио Романо потврди дека се е договорено и дека Шпанецот веќе го завршил првиот дел од лекарските прегледи.

Сарагоса ќе потпише договор до летото 2028 година, но ќе остане во Гранада до крајот на сезоната за да и помогне во борбата за опстанок во Примера.

Баерн за трансферот на 22-годишниот шпански крилен напаѓач ќе плати само 15 милиони евра.

Да потсетиме, тој експлодираше оваа сезона, а најдобриот меч го одигра против Барселона во ремито 2:2, кога ги постигна двата гола за Гранада.

После тоа доби и деби покана за шпанската репрезентација.

Сарагоса оваа сезона постигна пет гола и забележа две асистенции.