Го уби фризерот, му го украде автомобилот и слободно се шеташе до второто убиство! Нови детали за случајот што го тресе регионот

Бруталното убиство на тинејџерката Вања продолжува да ја интригира македонската јавност, а многумина се обидуваат да ги расветлат бројните нејаснотии поврзани со случајот. Осомничен за убиството е Љупчо Палевски Палчо, познат и како контроверзен десничарски политичар, а во случајот е вмешан и таткото на Вања, Александар. Зад решетки се уште тројца поради нивната вмешаност во убиството на Вања, како и фризерот, чиј автомобил беше украден и користен во киднапирањето на девојчето.

Според видеото кое се појави, во цитроенот, кој бил во сопственост на 74-годишниот фризер Панче Жежевски, се гледаат возачот и сопатникот кои имаат црни капи, како и нешто што изгледа како бела вреќа во задниот дел од автомобилот.

На видеото се гледа и чад од пожарот на местото каде што подоцна беше пронајдено запаленото возило, како и закопаното тело на убиената девојче. Видеото докажува дека возилото било запалено веќе во 9:37 часот. На видеото точно се гледа кога и како жртвата завршила во селото Бразда.

Вања Ѓорчевска
Исчезнувањето на возилото во кое беше киднапирана и убиена Вања било пријавено во МВР на 22 ноември, а автомобилот бил во Скопје на 24. Ова го истакна на прес-конференција Драган Ковачки, пратеник од опозицијата и член на ИК ВМРО-ДПМНЕ.

– Според досега познатите информации, првоосомничениот Палевски го извршил убиството на велешанецот Жежевски, му го одзел возилото и слободно се движел со денови, по што извршил уште едно убиство и избегал.

Тој тврди дека МВР направиле низа пропусти со ненавремено и нестручно расчистување на случајот со исчезнувањето на велешанецот Панче Жежевски.

– МВР од самиот почеток не презеде конкретни и опсежни оперативни мерки: Дали е направено сè за да се најде неговиот телефон? Тој наводно бил пронајден дури по четири дена. Дали полицијата преку мобилниот оператор се обидела да добие список од разговорите кои лицето ги имало во изминатите денови?, се само дел од прашањата што ги постави Ковачки.

Тој побара одговор и на прашањето дали на неговиот телефон се пронајдени контакти од лице кое во моментов издржува затворска казна.

– Дали е точно дека исчезнувањето на возилото на фризерот било пријавено во МВР на 22 ноември, пет дена пред убиството на Вања, а министерот тврдеше дека немало потрага по тоа возило бидејќи не знаеле дека исчезнало заедно со Панче.

Дали е вистина дека возилото во кое беше киднапиран Вања било на скопските улици во петокот, три дена пред убиството? Очигледно е дека се направени кардинални пропусти. Доколку МВР реагираше навремено, можеби монструмите ќе беа спречени да ја убијат Вања – смета Ковачки.

Полицијата смета дека киднапирањето било организирано со цел да извлече поголема сума пари од мајката на Вања како откуп. Според едната верзија, дедото на Вања бил директор на царина и е прилично богат човек, а според другата мајката на Вања неодамна го продала станот и добила значителни финансиски средства.

Низ оваа приказна, останува нејасно зошто бандата која брутално ја киднапираше Вања, и’ ги врза рацете и нозете и ја стави во багажникот на автомобил, не ѝ се јави на мајката на Вања и не бараше откуп, туку ја уби многу брзо, само неколку часа по киднапирањето.