Француски воен брод собори два дрона во Црвеното Море кои беа лансирани кон него од брегот на Јемен.
Француското Министерство за одбрана соопшти дека повеќенаменската фрегата Лангедок го пресретнала и уништила првиот дрон во саботата околу 21 часот и 30 минути, додека вториот дрон бил соборен два часа подоцна на околу 110 километри од јеменскиот брег во близина на градот Ел Худајд.
Јеменското шиитско движење Хути, да потсетиме, претходно најави дека ќе ги нападне сите бродови кои се упатуваат кон Израел, без разлика на нивната националност, и ги предупреди сите меѓународни бродски компании да не прават бизнис со израелските пристаништа.
Хутите, подредени на Иран, нападнаа и киднапираа неколку бродови поврзани со Израел во Црвеното Море и теснецот Баб ел Мандаб, кој е бродска рута за најголемиот дел од светската нафта.
Следете не, не има насекаде