Поразот од Џирона ги разниша позициите на Чави

Барселона во неделата забележа нов кикс, загуби во каталонското дерби од Џирона (2:4) и дополнително си ги компроминитира шансите за одбрана на титулата. На табелата во Примера, Барселона има седум бода помалку од лидерот Џирона.

Локалните медиуми пишуваат дека овој пораз сериозно ги разнишал поизциите на тренерот Чави Ернандез на клупата на Барселона. Подкастот на „Бар Каналтес“ тврди дека претседателот на Барселона, Џоан Лапорта, во четврток закажал состанок на кој ќе се разговара за иднината на тренерот Чави.

Новинарите на „Бар Каналтес“, тврдат дека Лапорта има список со четири имиња на тренери кои би можеле да го наследат Чави.

На него се Рафаел Маркез поранешен дефанзивец на Барселона кој сега го води Б тимот, тренерот на Џирона Мичел Санчез, тренерот на Реал Сосиедад, Иманол Алгуасил и уште еден поранешен играч на Барселона и сегашен тренер на Болоња, Тиаго Мота.

Иако излегоа со имињата на тренерите, новинарите на „Бар Каналтес“, веруваат дека доколку Лапорта се реши за промана на тренерот дека тоаќе се случи по завршувањето на сезоната.

Ова се должи и на правилото на Ла Лига, кое на тренерите им дозволува да водат само еден тим во текот на една сезона. На листата двајца од тренерите веќе водат тимови во Примера.