Осимен најдобар Африканец во 2023 година

Африканската фудбалска конфедерација (КАФ) на посебна церемонија го прогласи Виктор Осимхен, 24-годишниот напаѓач на нигериската репрезентација и Наполи, за најдобар африкански играч во 2023 година.

Осимен го предводеше Наполи до првата титулата во Серија А по пауза од 33 години.

Летово стана Капоканоние, односно најдобар стрелец во Серија А, а се предвидува дека во јануари или следното лето би можел да оствари трансфер вреден повеќе од 100 милиони евра во некој од европските гиганти и со тоа да стане најскап играч во историјата на Наполи.

Во изборот за играч на годината во КАФ, Осимен заврши пред Мароканецот Ахраф Хакими (ПСЖ) и Мохамед Салах (Ливерпул). За Салах ова е најлошиот пласман на последните пет избори. Тој беше победник во 2017 и 2018 година, а во 2019 и 2022 година го зазеде второто место, двата пати зад Садио Мане, додека наградата не беше доделена во 2020 и 2021 година.

Осимен стана првиот Нигериец кој ја освоил наградата за најдобар африкански играч по Нванкво Кану во 1999 година.