Русите се подготвуваат за повеќегодишна мобилизација: Армијата ќе ги има сите податоци за граѓаните од 2023 година

Иако речиси секојдневно се слушаат информации од руски функционери дека државата не планира долгорочна мобилизација, акцијата во пракса е целосно спротивна на најавите.

Според The ​​Moscow Times, од 1 јануари Министерството за одбрана ќе има пристап до единствен регистар на податоци за населението што ги консолидира сите податоци за Русите достапни на државата.
„Регистарот што е создаден во 2020 година и на кој веќе се поврзани Министерството за внатрешни работи, Федералната даночна служба и Министерството за труд, освен основни податоци, содржи и финансиски податоци, податоци од ПИО фондот, здравственото осигурување и вработувањето“, се наведува во весникот.

Дополнително, регистарот вклучува податоци за пасошот, информации за образованието и квалификациите вклучувајќи ги броевите на дипломите, комплетната листа на податоци од јавниот и матичниот систем. Регистарот се занимава и со брачниот статус на Русите, па воените службеници ќе имаат информации колку потенцијални кандидати за мобилизација се во брак и разведени.

„Овие планови сведочат за подготовките за нов бран на мобилизација. Првиот бран на мобилизација беше најавен по слична одлука за зголемување на бројот на војници од 1,01 на 1,15 милиони луѓе“, изјавил директорот на организацијата за човекови права Сергеј Кривенко.

Исто така, тој нагласи дека мобилизацијата може да започне веќе во јануари.

До лето ќе треба надополнување, на Министерството за одбрана ќе му требаат нови војници, ќе бидат потребни три до четири месеци за да се подготват“, објаснил Кривенко.