Цената на гасот во Европа е најниска од јуни

Цената на гасот во Европа денеска падна на помалку од 900 долари за 1.000 кубни метри првпат од 13 јуни, покажуваат податоците на лондонската берза ICE.

Од почетокот на работниот ден на берзата цената е намалена за 11 отсто.

ТАСС јави дека моменталната цена за испораки во јануари во центарот ТТФ во Холандија е 897 долари за 1.000 кубни метри или 81,69 евра за мегават-час.

Температурата во повеќето европски земји е натпросечна за овој период од годината, што ја намали потрошувачката на гас и го намали повлекувањето на оваа енергија од подземните складишта.

Во моментов, исполнетоста на магацините во Европа е 83,02 отсто, иако минатата недела беше повлечена рекордна сума. Во магацините има 89,85 милијарди кубни метри гас.