Ибрахимовиќ направи шоу на натпревар во НБА, Ирвинг му подари дрес

Златан Ибрахимовиќ (41) ги искористи неколкуте слободни денови што Стефано Пиоли им ги даде на фудбалерите на Милан и отпатува за САД, каде присуствуваше на НБА натпреварот помеѓу Бруклин Нетс и Милвоки Бакс (118:110).

Во победничкиот тим Кевин Дурант постигна 24 поени, Џанис Антетокунмпо во поразениот тим оствари дабл-дабл учинок од 26 поени и 13 скока, но главна ѕвезда во салата беше Ибрахимовиќ.

Бруклин Нетс на својата веб-страница објави дека се горди домаќини на Ибрахимовиќ.

По тој повод, Швеѓанецот срдечно ја поздрави и ја прегрна ѕвездата на Нетс, Кајри Ирвинг, од која го доби дресот.