(Видео) Валенсија освои бод против Барселона

Foto/ EPA

Фудбалерите на Валенсија и Барселона ремизираа со Местаља (1:1), во натпреварот од 17. коло во Примера.

Каталонците уште еднаш се „лизнаа“ во првенството и ја пропуштија шансата да се доближат до водечките два тима на табелата Џирона и Реал Мадрид.

Валенсија не победи петти натпревар по ред, но во таборот на „лилјаците“ се задоволни од освоениот бод.

Валенсија, првпат по три години избегна пораз во дуел со Барселона.

Барселона и на овој натпревар создаде многу шанси, но реализацијата беше исклучително лоша.

Жоао Феликс постигна гол за предноста на Барселона во 55. минута, по одличната акција на Де Јонг и Рафиња.

Валенсија возврати во 70. минута, кога Уго Гиљамон со прекрасен удар од работ на шеснаесетникот го совлада Пења.

Барса имаше многу шанси, особено во првото полувреме, сепак ќе жали за онаа на Рафиња во финишот на натпреварот кога домашните некако ја исфрлија топката од гол линијата.

Следниот натпревар Барселона ќе го има против Алмерија, додека Валенсија ќе гостува кај Рајо Ваљекано.