СИЛНО НЕВРЕМЕ ГО ПОГОДИ ИСТОЧНИОТ БРЕГ НА САД – Илјадници луѓе се оставени без струја, а има и мртви

Најмалку четири лица загинаа откако силна бура што го зафати источниот брег на Соединетите Американски Држави (САД), предизвикувајќи поплави, огромни прекини на струја и откажување на многу летови.

Една жена загина во поплавите недалеку од Чарлстон, Јужна Каролина, а животот го загубија тројца мажи во Масачусетс, Мејн и Пенсилванија, на североистокот на Соединетите Американски Држави, додека бурата се движела кон Канада, јавува BBC.

Милиони жители на источниот брег се во состојба на тревога од поплави, а повеќе од 600.000 домови се без струја. Времето донесе силен дожд што предизвика реки до поплави, соопшти Националната метеоролошка служба на САД (NWS). Налетите на ветрот достигнаа 70 милји на час долж јужниот брег на Нова Англија. Поради силниот ветер и обилните врнежи од дожд условите во сообраќајот се многу отежнати и опасни. 

Повеќе од 4.900 летови се одложени, а околу 500 се откажани. Аеродромите во Бостон и Њујорк беа најтешко погодени, според FlightAware. Училиштата низ Нова Англија се затворени поради невремето. Во наредните денови се очекува суво време, што ќе овозможи дел од поплавите да се повлечат, пренесуваат американските медиуми.