Доколку се храните вака за време на постот, само ќе се дебелеете, можни се и надуеност и болки 

Во тек е постот кој ќе трае до Божиќ, а советите за правилна посна исхрана злато вредат. Доколку не знаете што да јадете, кои намирници ќе ви го зајакнат имунитетот или ќе ви дадат доволно енергија, прочитајте ги советите на нутриционистите.

А доколку сте загрижени да не направите грешка за време на постот, запомнете го советот на нутриционистката Ивана Шарчевиќ кој го споделила со порталот „Srbija Danas“.

„Со несоодветна посна исхрана, луѓето често се доведуваат до тоа дека до крајот на постот имаат некој килограм вишок. Покрај тоа, може да дојде до авитаминоза и губење на минерали. Посната исхрана треба да биде разновидна, со многу свежо овошје и зеленчук, мешунки, житарки, одбрани извори на протеини“, изјавила на самиот почеток нутриционистката.

„Најголем предизвик е адекватниот внес на протеини. „Доколку немате добро осмислен план како ќе се храните за време на постот, многу е важно на крајот да не претерате со внесот на јаглехидрати. Најчесто ова е одговорот на прашањето зошто се дебелееме за време на постот.“

За оние кои постат на масло и риба, има поголем избор. Предизвикот е најголем за постот на вода. Треба да имате исклучително добро организиран план и разновидна исхрана која вклучува мешунки, житарки, овошје, зеленчук, извори на протеини. Во отсуство на идеи, луѓето доаѓаат до брзи решенија. Овде се појавува тој вишок на јаглехидрати во форма на тесто, леб, разни видови пити, заедно со масни намази, запржени чорби со скробен зеленчук.“

По тоа суво или кандирано овошје, разни колачи и торти со бисквити и шлаг.

Кога станува збор за внесот на протеини, водечки се следните намирници:

Киноа;

Тофу сирење;

Наут;

Леќа;

Сејтан;

Соја;

Најдобра комбинација на оброци е доколку содржи протеини, јаглехидрати, влакна и добар избор на масти.

Не постои храна што можете да ја јадете колку што сакате
Многумина се водат и од фактот дека посната храна е поздрава храна, па затоа претеруваат во количините. Важно е да се нагласи дека секоја храна, дури и зелката, може да предизвика сериозни проблеми доколку ја надмине, да речеме, препорачаната дневна количина на влакна. Надуеност, гасови, неможност за апсорпција на други материи и сл.