Цела Германија бара жена од бивша Југославија: Украла милион евра! Тој што ќе ја пронајде ќе добие награда од 37.500 евра

Полицијата во Штутгарт трага по жена (42) која е осомничена дека во октомври оваа година украла повеќе од еден милион евра користејќи ја работата во компанија за транспорт на пари, а се нуди награда од 37.500 евра за информации кои водат до нејзиното пронаоѓање и апсење.

Наводно, се споменува дека се работи за жена од просторот на поранешна Југославија. Засега не е познато каде се наоѓа жената. Познато е дека живеела во Штутгарт пред да го изврши злосторството, но по овој неверојатен грабеж и’ се губи секоја трага.

Меѓу нејзините карактеристики наведени од полицијата, осомничената има неколку тетоважи по целото тело, особено на рацете.

– Наградата од 37.500 евра ќе добие оној кој знае било какви информации кои ќе и’ помогнат на полицијата да ја пронајде. Секој кој знае нешто за 42-годишниот осомничен се замолува да ја контактира криминалистичката полиција на +4971189905778, соопшти полицијата во Штутгарт.

Таа на 14 октомври годинава украла повеќе од еден милион евра од фирмата за трансфер на пари во Штутгарт каде била вработена.

Според полицијата, жената околу 15.10 часот украла повеќе од еден милион евра од просториите на компанијата. Како вработена имала пристап до пари, а кражбата била забележана истиот ден. Полицијата во своето соопштение не навела како 42-годишникот успеал да извади толку голема сума пари од фирмата. Со оглед на тоа дека нејзината локација не е позната, можно е да се наоѓа во некоја од земјите на поранешна Југославија.