Бонучи се враќа во Серија А

Леонардо Бонучи е подготвен да го напушти Унион Берлин. Ветеранот пред шест месеци се пресели во Германија, но не се снајде најдобро и се шпекулира дека тој ќе се врати во Серија А .

Со германскиот тим доживеа фијаско во групната фаза од Лигата на шампионите, а на тимот не му оди најдобро ниту во Бундеслигата.

Италијанските медиуми тврдат дека Бонучи решил да го облече дресот на Рома. Жозе Мурињо сака да ја засили одбраната за пролетниот дел од сезоната.

Да потсетиме, Бонучи речиси целата своја кариера ја мина во Јувентус, една сезона беше во Милан, а на почетокот на кариерата настапуваше и за Интер.