Канаѓанец од Клуб Бриж кариерата ќе ја продолжи во Интер

Спортскиот директор на Интер, Бепе Марота, уште еднаш покажа дека е мајстор на својот занает.

Откако, го убеди Пјотр Зиелински како слободен играч да потпише за Интер и да стане член на „нероаѕурите“ од следното лето, клубот од стадионот „Џузепе Меаца“ ангажираше уште еден играч.

За неколку дена нов играч на Интер ќе стане Канаѓанецот од Клуб Бриж, Тејџон Бјукенан. Интер за неговиот трансфер ќе издвои 10 милиони евра.

Овој 24-годишен фудбалер игра како лево крило во белгискиот клуб, а може и да ја покрива целата лева страна, како винг бек во формацијата која ја форсира тренерот Симоне Инзаги.

Сезонава на 20 натпревари за Бриж постигна три гола и забележа четири асистенции.