Ердоган: Турција оствари голем напредок во изминатите 20 години

„Целта на замките што ни беа поставувани со векови беше јасна. Целта беше Туркије да се исклучи од новонастанатиот глобален политички и економски поредок.“

Турскиот претседател Реџеп Таип Ердоган изјави дека Туркије остварила голем напредок во изминатите 20 години, а целта, како што рече, е државата да стане една од десетте најголеми економии во светот.

„Во секоја криза, потпирајќи се на сопствените сили, нашиот потенцијал го користевме уште повеќе“, рече Ердоган во обраќањето на свечената церемонија на отворање неколку инфраструктурни проекти во турскиот град Самсун, меѓу кои и државна болница, патен правец и кампус.

„Важно е силно да се грижиме за нашето единство, заедништво и братство. Да не дозволиме никој да застане меѓу нас“, рече Ердоган.

Тој истакна дека во изминатиот период се правени обиди да се исклучи Туркије од новонастанатиот глобален поредок.

„Целта на замките што ни беа поставувани со векови беше јасна. Целта беше Туркије да се исклучи од новонастанатиот глобален политички и економски поредок.“

Ердоган потсети дека и покрај тоа во изминатиот период во сите градови на Туркије реализирани се бројни големи проекти во сите области, од образованието, здравството, безбедноста, правосудството, транспортот до енергетиката, урбанистичкото планирање и спортот.

Тој додаде и дека Туркије остварила голем напредок во последните 20 години, а целта, како што рече, е земјата да стане една од десетте најголеми економии во светот.

Истакнувајќи ги напорите на Туркије за постигнување на Иницијативата за извоз на украинско жито преку Црното Море, турскиот претседател рече дека утре ќе разговара телефонски со рускиот и со украинскиот претседател.

„Испорачуваме жито оттаму (Украина) до целиот свет. Утре ќе разговарам со (рускиот претседател Владимир) господин Путин, а потоа со (украинскиот претседател Владимир) господин Зеленски, и ќе разговараме што друго можеме да направиме“, рече Ердоган.

На 22 јули, Туркије, Обединетите нации (ОН), Русија и Украина го потпишаа договорот во Истанбул за продолжување на извозот на жито од три украински пристаништа на Црното Море, што беше сопрен во февруари поради војната на Русија против Украина.

Неколку дена пред закажаното истекување на 19 ноември, договорот беше продолжен за уште 120 дена.

Туркије е пофалена во меѓународни рамки за нејзината уникатна способност да дејствува како посредник меѓу Украина и Русија. Анкара континуирано ги повикува Киев и Москва за ставање крај на војната преку преговори.

AA