Најновото британско истражување: Изненадувачки нови симптоми на ковид кои често се појавуваат

Губењето на вкусот и мирисот порано беше еден од главните показатели дека можеби сте заразени со Ковид, но како што новиот вид, познат како JN.1 („потомок“ на сојот омикрон) се шири во Велика Британија,  почнуваат да се појавуваат различни симптоми.

Последното истражување на Канцеларијата за национална статистика, врз основа на примероци од повеќе од 27.000 луѓе, кои биле обработени меѓу 7 и 13 декември, откри дека губењето на мирисот или вкусот пријавиле само 3 отсто од испитаниците, пренесува Данас.

Кашлицата останува вообичаен показател (речиси 23 проценти), при што течење на носот или кивање се најчестиот симптом (31 проценти), но поединците пријавиле и главоболки (20 проценти), слабост или замор (речиси 20 проценти), болки во мускулите ( речиси 16 проценти) и болки во грлото (13 проценти).

Покрај тоа, изненадувачки вообичаените симптоми што се појавија беа проблеми со спиењето и загриженост или анксиозност – и двете пријавени од околу 10 проценти од испитаниците.

Најновите бројки од Агенцијата за здравствена безбедност на Обединетото Кралство (УКХСА) ја покажуваат проценетата преваленца на коронавирус во Англија и Шкотска на 4,2 отсто заклучно со 13 декември – што значи дека околу 1 од 24 луѓе може да биде позитивно на Ковид во моментот.