(Видео) Реал го освои Суперкупот, во финалето ја декласира Барселона

Foto/ EPA

Реал Мадрид ја декласира Барселона со 4:1 и го освои Суперкупот на Шпанија. На стадионот во Ријад блескаше Винисиус Жуниор со хет-трик.

Реал со доминантна партија, во ритамот на Винисисус Жуниор ја прегази Барселона.

Бразилецот го постигна првиот гол во седмата минута, а потоа во 10. минута по вторпат го совлада Инаки Пења.

Роберт Левандовски во 33. минута го намали резултатот, а шест минути подоцна Винисиус изнуди пенал.

Тој ја презеде одговорноста и во 39. минута го комплетираше хет-трикот.

Конечниот резултат го постави сонародникот на Винисиус, Родриго во 64.минута.

Барселона финалето го заврши со играч помалку. Роналд Араухо во 71.минута го доби вториот жолт картон.