Второто полугодие во ОУ „Мирче Ацев“ и „Страшо Пинџур“ почна со ладни и млаки радијатори

Од понеделникот, кога започна второто полугодие од учебната година дел од училиштата во општина Ѓорче Петров имаат проблем со затоплувањето.

Најизразен проблем е во основните училишта „Мирче Ацев“ и „Страшо Пинџур“ каде немало или имало минимално парно греење.

Дел од родителите реагирале до Општината од каде добиле уверување дека проблемот брзо ќе се надмине и нивните деца ќе учат во топли училници.