Скандалот Онкологија тежи 30 милиони евра: Забрана за напуштање на живеалиштето на Васев и Нухи
Големината на скандалот Онкологија за кој Обвинителството денеска почна истрага против 5 лица вработени на Клиниката е 30 милиони евра. На двајцата поранешни директори, медицинскиот Никола Васев и економскиот Нехат Нухи им се одземени пасошите и им е забрането да го напуштат живеалиштето како и да се појавуваат на Клиниката. Тројца лекари вработени на одделите за карцином на дојка и карцином на бели дробови се осомничени дека помагале во кривично дело измама во службата.
ЈАР: Пет држави потврдија дека ќе се придружат на БРИКС
Во текот на предистражната постапка, Основното јавно обвинителство Скопје обезбеди докази кои даваат основано сомнение дека осомничените директори на Клиниката со умисла извршиле повеќе временски поврзани дејствија кои што претставуваат повеќекратно остварување на исто дело, искористувајќи ист траен однос и исти прилики и со намера за друг да прибават противправна имотна корист го довеле во заблуда овластеното лице во Фондот за здравствено осигурување да изврши незаконита исплата на пари за набавка на лекови кои ги трошеле и нарачувале спротивно на законските и подзаконските прописи, без формиран стручен колегиум и без соодветни медицински протоколи. Во ова со умисла биле помогнати од тројцата други осомничени доктори кои одредена терапија пропишувале вон препораките и свесно избегнувајќи ги параметрите кои ја опишуваат состојбата на пациентот во однос на болеста.
Основното јавно обвинителство Скопје ја продолжува истрагата во предметот поврзан со работата на Клиниката за онкологија и повторно апелира до сите пациенти да се јавуваат во Јавното обвинителство и да ги пријавуваат сите евентуални незаконитости и злоупотреби на кои биле сведоци, бидејќи нивните сознанија ќе бидат исклучително важни и во натамошниот тек на постапката.
Следете не, не има насекаде
