Тејлор Свифт се закани дека ќе го тужи студентот кој го следи нејзиниот приватен авион

Пејачката Тејлор Свифт му се закани на 21-годишниот студент кој ги следи движењата на нејзиниот приватен авион.

Свифт често патува со приватен авион. Се шпекулира дека пејачката поседува два приватни авиони. Воздухопловниот ентузијаст и студент Џек Свини често следи летови на познати личности и споделува информации на „Икс (поранешен Твитер).

Свини не прави ништо нелегално, тој користи јавно достапни податоци за следење на летовите.

Flew from Cahokia/St Louis, Illinois, US to St Louis, Missouri, US 24 hours ago.
Apx. flt. time 13 Mins. pic.twitter.com/WFEp5k3ZTS

— Taylor Swift Jets (Tracking) (@SwiftJetNextDay) January 31, 2024

Тој ја води страницата @SwiftJetNextDay, но ги следи и другите ѕвезди кои често летаат со нивните приватни авиони, како што се Бил Гејтс и Илон Маск, кои дури му понудија пари за да престане да го следи неговиот авион.

Бидејќи Свини често споделуваше информации за движењата на приватниот авион на Свифт, нејзините адвокати му испратија писмо на 21-годишниот студент во кое бараа да престане да ги објавува информациите. Свини, студент на Универзитетот во Централна Флорида, го доби писмото во декември 2023 година.

Flew from Baltimore, Maryland, US to Nashville, Tennessee, US 24 hours ago.
Apx. flt. time 1 Hour : 24 Mins. pic.twitter.com/6ilPA0p38t

— Taylor Swift Jets (Tracking) (@SwiftJetNextDay) January 30, 2024

Во писмото Свифт наведува дека нема друг избор освен да го тужи студентот доколку тој не престане со неговото следење и малтретирање, пишува „Вашингтон пост“.

Нејзиниот адвокат Кејти Рајт Мороне, исто така, напиша дека постапките на студентот предизвикале кај Свифт и нејзиното семејство „директна и непоправлива штета, како и емоционално и физичко страдање“, и нагласи дека пејачката се плаши за сопствената безбедност. Според адвокатот, за Свифт се работи за живот и смрт.