Поништени одлуките на Села, потврдена кандидатурата на Таравари
На четврт вонреден Конгрес на Алијансата за Албанците одржан вечерва во Скопје донесени се неколку одлуки, информираа од партијата.
„Се усвои кандидатурата за претседател на државата на претседателот на партијата Арбен Таравари, како предлог на Претседателството на Алијансата за Албанците, поддржано од Европското движење за промени, во рамките на претседателските избори од 24 април. и 8 мај 2024 година. Се поништија одлуките на нелегитимниот состанок на Партиското собрание, одржано на 10 февруари 2024 година, бидејќи истите се карактеризираа со бројни статутарни прекршувања, манипулации и веќе докажани фалсификати, за кои денеска Алијансата за Албанците најави поднесување кривично обвинение против сторителите. Беше усвоена измената на Статутот на Алијансата за Албанците, со која се укинуваат статутарните измени одобрени на третиот вонреден конгрес одржан на 24 декември 2022 година и се враќа прелиминарната верзија на статутот, усвоена на 27 март 2022 година на вториот партиски конгрес, со цел отстранување на дисфункционалностите во партиското одлучување. Една од непосредните импликации на овие промени е укинувањето на функцијата претседател на Собранието и на овластувањата на телото однапред познато како тесно Претседателство на партијата.“, се наведува во партиското соопштение.
Од АА информираат дека на Конгресот присуствувале 421 делегат што како што велат е „огромното мнозинство од членовите на највисокото партиско тело“.
„Во прекрасна атмосфера и еуфорија, претседателот д-р Арбен Таравари им се заблагодари на делегатите за едногласната поддршка и истакна дека промената е веќе започната и дека Алијансата за Албанците ќе води позитивна кампања, отворајќи ги вратите за сите оние кои ја посакуваат долгоочекуваната промена.“, соопштија од партијата.
„МИНУТИ ЗА СЕКОГО“ | 7/7 ЕМИСИИ:
