Хрватска е светски првак во ватерполо

Хрватските ватерполисти станаа светски шампиони, откако во финалето на Светското првенство во Доха по гол од пенал ја победија Италија со 15:13.

За Хрватите ова е трето светско злато во историјата, по 2007 година во Мелбурн и во Будимпешта десет години подоцна.

Тимот предводен од Ивица Туцак по голема борба во финалето успеа да обезбеди пенали за златото во самата завршница од мечот.

Хрватска во рок од еден месец не дозволи да загуби уште едно финале и злато, бидејќи кон средината на јануари пред домашната публика и ја предаде европската круна на Шпанија.

Најефикасен во составот на светскиот шампион беше Константин Харков со четири гола, Јерко Мариниќ Крагиќ додаде три, Рино Буриќ два, а Јосип Врлиќ и Матијас Биљака по еден гол.

Во италијанскиот тим Андреа Фондели пет пати ја погоди мрежата, Франческо Ди Фулвио и Николас Прешјути додадоа по два гола, а Лука Марсијали и Франческо Кондеми по еден.