Ристовски во солзи по натпреварот

Foto/ Index.hr

Динамо Загреб одигра 1:1 на „Максимир“ со Бетис и се пласираше во осминафиналето во Конференциската лига.

Клубот од Загреб пред една недела го победи Бетис во Севилја со 1:0 и така мина со вкупен резултат 2:1. Бетис поведе на „Максимир“ со голот на Седрик Бакамбу, а Такуро Канеко погоди за Динамо.

Долгогодишниот играч на Динамо, Стефан Ристовски во солзи го дочека крајот на натпреварот.

Неговата мајка почина на крајот на минатата година. Таа почина по тешко боледување.

Тој ѝ ја посвети оваа победа со порака на маицата која ја носеше под дресот: „Среќен роденден, мамо“.