Баерн нема да го откупи договорот на Дајер

Англискиот репрезентативец, Ерик Дајер, кој во јануари пристигна на позајмица во Баерн од Тотенхем, ќе биде првата жртва на лошите резултати на великанот од Минхен.

Дајер беше стартер на три од петте натпревари откако пристигна во Минхен. Најмногу е критикуван поради недостатокот на брзина, што е едно од клучните барања за стоперската позиција во Бундеслигата.

Тренерот Томас Тухел веќе го испрати на клупата, а извесно е дека клубот нема да го откупи неговиот договор од Тотенхем на крајот од сезоната.

Дајер дојде во Баерн со цел да игра за да може да обзбеди место во репрезентацијата на Англија за Европското првенство во Германија. Како што сега стојат работите минорни се шансите тој да се најде на спиското на селекторот Герет Саутгејт.