Бурна завршница во победата на Хит над Пеликанс, Јокиќ до 17-от „трипл-дабл“ сезонава
Бам Адебајо постигна 24 поени, а Џими Батлер 23 пред да биде исклучен на почетокот на четвртата четвртина додека гостите Мајами Хит ги победија Њу Орлеанс Пеликанс со 106:95.
Помалку од една минута од четвртата четвртина, Кевин Лав направи тежок фаул врз Зион Вилијамсон од Пеликанс, што доведе до серија кошкања и пресметки на паркетот. На крајот исклучени беа Батлер, соиграчот Томас Брајант кој не играше но влета во теренот откако ја напушти клупата, како и Наџи Маршал и Хозе Алварадо од Пеликанс.
Адебајо, кој заврши со седум скока и три блокади, постигна 12 поени во четвртата четвртина во која Пеликанс постигна само 15 поени. Вилијамсон постигна 23 поени, заедно со девет скока и седум асистенции за домаќините.
Лос Анџелес Клиперс славеа над Мемфис Гризлис со 101:95. Кави Ленард постигна 24 поени, а Теранс Ман додаде рекордни за сезоната 23 коша со 12 скока, Расел Вестбрук постигна 13 поени од клупата. Мемфис беше предводен од Џерен Џексон Џуниор со 29 коша.
Клиперси се трети на Западот со скор 37-18, а Мемфис е 13-ти со скор 20-37.
Милвоки Бакс го победија водечкиот тим на Западот, Минесота Тимбервулвс со 112:107 предодени од Јанис Адетенкумбо со 33 поени и 13 скока и Демијан Лилард со 21 коша, 10 асистенции, 9 скокови. Ентони Едвардс ги предводеше Тимбервулфс со 28 поени, но со 10 од 27 шут. Карл-Ентони Таунс имаше 22 поени и 14 скока, а Руди Гоберт имаше 12 поени и 19 скока за Минесота, чија серија од четири победи беше прекината и сега имаат 39-17. Бакс се трети на Истокот.
Оклахома Сити Тандер ги поразија Вашингтон Визардс со 147:106, а Шаи Гилџеус-Александер постигна 30 поени додека домаќинот Оклахома Сити оствари сезонски рекорд по постигнати поени. Оклахома го дели првото место на Западот со 39-17, а Визардс го загубија 10-от натпревар по ред.
Стивен Кари со 15 поени го предводеше израмнетиот напад на Вориорс, а Голден Стејт постигна најмалку во сезоната во победата над Шарлот во Сан Франциско (97:84). Кари шутираше 5-14 од поле, вклучително и 3-11 за 3 поени, а Ендрју Вигинс, кој наполни 29 години во петокот, имаше 14 поени. Вориорс се десетти на Западот со скор 29-26.
Леброн Џејмс постигна 30 поени, а Ентони Дејвис имаше 28 поени и 13 скока кога Лос Анџелес Лејкерс ги совладаа Сан Антонио со 123:118. Лејкерс, со Џејмс кој се врати во составот откако пропушти два натпревара поради болки во глуждот, победи по четврти пат во последните пет натпревари. Виктор Вембањама го предводеше Сан Антонио со 27 поени, 10 скока, осум асистенции, пет украдени топки и пет блокади.
Мајкл Портер Џуниор постигна 34 поени и собра 12 скока за триумфот на Денвер кај Портланд, а Никола Јокиќ постигна 29 поени при шутирање 12-17 и додаде 15 скока и 14 асистенции за својот 17-ти трипл-дабл сезонава и 122-ри во кариерата.
