Претседателот на Собранието Јован Митрески: Ги почитуваме санкциите кон Русија

Претседателот на Собранието Јован Митрески денеска во Киев му кажа на претседателот на Врховната рада на Украина, Руслан Стефанчук дека Македонија целосно се приклучи на сите рестриктивни мерки и санкции на ЕУ кон Руската Федерација, ко-спонзорираше бројни резолуции и иницијативи во однос на Украина, а упати и воена и хуманитарна помош за земјата.
Митрески, кој имаше и обраќање во Врховната рада, за време на протоколарните разговори со својот укрински колега изрази благодарност за поканата и нагласи дека посетата претставува потврда на цврстата и непоколеблива поддршка за Украина, на сите полиња.

Тој нагласи дека уште од самиот почеток Македонија силно ја осудува руската агресија против Украина, континуирано ја потврдува поддршка за украинскиот територијален интегритет, суверенитет и целовитост и изразува целосна поддршка на правото на самоодбрана на земјата.