Туск: ЕУ да разбере дека е помоќна сила од Русија
Полскиот премиер Доналд Туск денеска апелираше до Европската унија да сфати дека е помоќна од Русија во однос на населението и БДП и конечно да верува дека може да ја гарантира безбедноста на своите членки и соседи.
„Населението на ЕУ е побројно од руското, нашиот БДП е поголем. Европа како целина мора да верува дека е сила која може да ја гарантира својата безбедност и на соседите. Сега е време да се дејствува“, рече Туск по разговорот со норвешкиот премиер Јонас Гар Стјоре во Варшава.
Полскиот и норвешкиот премиер изјавија дека се подготвени да ја зголемат финансиската помош за Украина, а полскиот премиер предупреди дека секојдневието во Полска е хибридна, иако нема класична војна.
Туск рече и дека нема да ги прифати барањата на најрадикалните меѓу полските земјоделци кои ги блокираат границите и патиштата, кои бараат затворање на границата со Украина поради неконтролираниот увоз на земјоделски производи, без ограничувања и царини, што беше воведено од ЕУ во знак на солидарност за да се олесни финансирањето на одбраната на Украина од Русија и секојдневниот живот на Украинците.
„Ова не се барања за кои може да се преговара. Јас не сум премиер за да ја извадам Полска од ЕУ или да ја направам Полска земја што ги блокира границите со Украина. Но, ние сме подготвени да разговараме за границите, оние предложени од Брисел и Киев не се прифатливи за нас“, рече Туск.
Еден од предлозите на Брисел и Киев за решавање на протестите на земјоделците ширум Европа е да се воведат ограничувања штом увозот ги надмине количините увезени во 2022/2023 година, но Туск денеска изјави дека тоа е неприфатливо за Полска и инсистира воведувањето на лимитите да се оценува врз основа на увозот од времето пред рускиот напад на Украина, кога тарифите и квотите сè уште важеа.
<!– PA Ad Tag – infomax.mk_ros_300x250
Полскиот премиер рече дека меѓу предлозите на неговата влада до земјоделците е и помош за откуп и компензација за штетите предизвикани од неконтролираниот увоз од Украина. (МИА)
