Голема трагедија – се удави познат моден дизајнер: Пронајдено безживотно тело

Францускиот дизајнер Лусјан Пела-Фајн  (78) почина откако се удави на плажа во североисточната бразилска држава Баија во понеделникот, потврди неговото семејство на неговиот Инстаграм, објави Дејли Меил.Пела-Фајн, познат како „Кралот на кашмирот“, беше домаќин на семејна скара во неговиот дом во Транкоз, туристичка област во градот Порто Сегуро, а потоа отиде да плива на плажата Итакуера.

Двајца тинејџери сурфале и го виделе како се бори да остане на површината и се обиделе да го спасат со своите даски за сурфање пред да се удави, според бразилската новинска агенција G1. Телото на Французинот беше пронајдено неколку часа подоцна во близина на област популарна кај сурферите.

„Со голема тага ве известувам за несреќната смрт на Лусјан Пел-Фајн, попладнево во Транкоз“, изјави неговата внука Камил Дочез.

Тој тогаш беше во друштво на семејството и драги пријатели. За деталите од церемонијата на збогување ќе ве информирам во догледно време.