(Видео) Спортскиот директор на Барселона се сретна со менаџерката на Халанд

Спортскиот директор на Барселона Деко денеска се сретна со менаџерите на напаѓачот на Манчестер сити, Ерлинг Халанд.

Информација ја објави новинарот Џерар Ромеро, кој достави и видео клип на кој се гледа како менаџерката на Ерлинг Халанд, Рафаела Пимента заедно со Максвел влегуваат во објект во Барселона.

Недолго потоа се појавил и Деко, а на средбата, како што се наведува, се разговарало и за евентуалниот трансфер на Ерлинг Халанд на „Ноу Камп“.

Нема детали, како Барселона, која се наоѓа во голема финансиска криза, воопшто би можела да направи финансиска структура за да се случи вакво нешто.

Првиот човек на Барселона, Џоан Лапорта „сонува“ за Ерлинг Халанд во дресот на Каталонците и верува дека таквото сценарио ќе се оствари во иднина.

Договорот на Халанд со Манчестер сити важи до јуни 2027 година.

EXCLUSIVA @JijantesFC

Cumbre del BARÇA con los agentes de HAALAND

Deco, el director deportivo azulgrana, se ha reunido hoy con Rafaela Pimenta y Maxwell, agentes del delantero noruego, entre muchos otros.

El futuro de Haaland, el gran sueño de Laporta, uno de los… pic.twitter.com/lFKPtXTQdF

— Jijantes FC (@JijantesFC) February 28, 2024