ЗАХАРОВА: Нуклеарното оружје во северна Европа ќе стане легитимна цел во случај на конфликт меѓу Русија и НАТО

Појавата на американско нуклеарно оружје во северна Европа нема да ја зајакне безбедноста на земјата која го прима ова оружје, туку ќе ја ослаби, изјави портпаролката на Министерството за надворешни работи на Русија, Марија Захарова.„Во случај да се појави американско нуклеарно оружје на северот на Европа, тогаш безбедноста на земјата што го прима тоа оружје нема да биде зајакната, туку очигледно ќе биде оштетена“, рече Захарова.Таа подвлече дека другите земји од континентот ќе бидат принудени да го земат предвид тоа.„Не треба да сте воен стратег за да разберете дека слични објекти ќе бидат извор на директни закани и, се разбира, неизбежно ќе влезат во списокот на легитимни цели дефинирани со сценариото за директен воен конфликт меѓу нашата земја и НАТО. Ние разбираме дека токму тоа го принудуваат Соединетите Американски Држави и нивните сателити“, рече Захарова.Таа додаде дека Русија не планира и никогаш не планирала да нападне некого, вклучително и НАТО.