НАТО почна голема воена вежба, ќе се подготвува за одбрана од евентуален напад

Како што информира норвешката војска, вклучени се и Финска и Шведска, кои се приклучија на Алијансата по рускиот напад на Украина

Околу 20 000 војници од 13 земји, од денеска на полноќ започнаа голема вежба на крајниот север на Европа за да се одбранат од хипотетички напад на територијата на НАТО, јави ДПА.

Околу 1 500 мажи и жени од германските вооружени сили учествуваат во маневрите Нордиски одговор 2024, вклучително и 700 членови на планинските сили, соопшти Бундесверот во норвешкиот град Алта на далечниот север на Норвешка.

Како што информира норвешката војска, вклучени се и Финска и Шведска, кои се приклучија на Алијансата по рускиот напад на Украина.

Според предвиденото сценарио, војниците треба да извршат контранапад од областа Алта за да заземат области на југ кои веќе се окупирани од непријателот.

Земјите на НАТО распоредуваат широк опсег на вооружени системи за вежбата, вклучувајќи 100 авиони и поморски сили со фрегати и подморници.

Во Алта отпатува и германскиот министер за одбрана Борис Писториус за да учествува на почетокот на активниот дел од вежбата што започна на полноќ. Еден ден претходно, тој ја посети норвешката воена станица на границата со Русија и понуди да го зголеми присуството на Бундесверот на далечниот север.

– Реклама –

<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>