ШПАНСКА ПИТА која ќе стане вашето омилено јадење
Рецепт кој ќе го обожаваат сите возрасти и деца.
Состојки:
4 јајца
1-1,5 лажички сол
200 мл масло
400 мл млеко
200 гр пченкарно брашно
200 гр пченично брашно (остро)
1 прашок за пециво
200 гр шунка (пица шунка или некоја друга салама)
200 гр кашкавал
120 гр кисели краставички
120 гр кисела црвена пиперка
ШПАНСКА ПИТА која ќе стане вашето омилено јадење
Подготовка:
Најпрво краставиците, пиперките и шунката исечкајте ги на ситни коцки и изрендајте го кашкавалот. Подгответе соодветен плех, малку подмачкајте го и посипете го со малку брашно.
Земете соодветен сад и во него изматете ги јајцата со миксер, посолете по вкус, па додајте масло и млеко. Во вториот сад измешајте ги двата вида брашно и прашокот за пециво, измешајте и додајте ги во првиот сад со јајцата. Добро измешајте со миксер.
На крајот додадете ги исечканите краставици, пиперките, шунката и ренданиот кашкавал, па сè убаво измешајте, по можност со лажица.
Смесата се истура во плех и се пече во загреана рерна на 180 степени околу 45 минути. Питата е готова кога убаво ќе зарумени.
