(Видео) Дарко Андонов ДААН во дует со Тијана Периќ го промовираа нивниот нов сингл „Кога знам“

Дарко Андонов или попознат како ДААН во дует со Тијана Периќ го промовираа нивниот нов сингл и видео запис за песната „Кога знам“.

Како автор на песната се појавува самиот Дарко Андонов заедно со неговиот соработник Кире Јакимов. Музиката е дело на Дарко, текстот го пишуваа заедно со Кире Јакимов деодека за аранжманот се погрижи исто така Кире Јакимов.

Како што наведува Дарко инспирацијата за текстот на песната е добиена од секојдневието на многу парови, кои се соочуваат со разни предизвици и одговорности во нивните врски, а исто така и недостатокот на посветеност и работа за една врска да опстои подолг период.

Музиката и аранжманот на самата песна се инспирирани од најновите музички трендови, каде доминира модерен и специфичен ритам, надополнет со музика во права смисла на зборот. Целта на ДААН е да ги вклопи новите музички трендови со онаа вистинската музика која има оставено печат на овие простори. Песната е снимена во студиото на Дарко Андонов.

Видеото за песната е работено во соработка со Дарко Димитриевски, а сценариото и режијата се на Дарко Андонов. Инспирацијата за самото видео како што вели Дарко е и самиот текст на песната, со што е овозможено на публиката да ја почувствува песната како аудио така и визуелно.

Во однос на плановите за во иднина Дарко и Тијана велат дека ова е само почеток на нивната меѓусебна соработка и веќе се работи на неколку нови проекти кои публиката треба да ги очекува во тековната година.

Да потсетиме дека и ДААН и Тијана Периќ во претходниот период имаа објавено по неколку песни како солисти меѓутоа ова е нивна прва соработка.