(Видео) Спектакл во Париз и триумф на Барселона, Атлетико ги казни грешките на Борусија

Барселона во спектакуларен натпревар го победи ПСЖ во Париз со 3:2, додека Атлетико Мадрид на домашен терен славеше против Борусија Дортмунд со 2:1.

Големите ривали приредија нов епски спектакл и докажаа дека најдобриот европски фудбал секогаш има нешто ново да понуди.

По огнометот на Реал и Сити, односно Арсенал и Баерн, ПСЖ и Барса одиграа натпревар со пет гола.

Првиот половина час не навестуваше таков исход, бидејќи ПСЖ тргна во офанзива, а потоа во еден момент Барса возврати со неколку шанси.

Но потоа во 37. минута Рафиња успеа да реализира една од полуконтрите на Каталонците и да го искористикиксот на Донарума.

ПСЖ практично не покажа ништо на овој натпревар до 48. минута, а потоа два пати во три минути покажа што знае.

Прво, Усман Дембеле по добриот дриблинг ја заби топката во мрежата на својот поранешен клуб и прилично диво го прослави својот гол.

А потоа, само 100 секунди подоцна, пресвртот на Парижаните беше комплетен. Витиња беше стрелец по уште една одлична акција на ПСЖ.

И тука ПСЖ застана. Свесно или несвесно се повлекоа и ја препуштија средината на Барса која знаеше како да го казни тоа.

Се играше 62. минута кога Рафиња по убавата асистенција на резервистот Педри, од прва ја погоди мрежата на Донарума за 2:2.

Новото изедначување траеше само околу 15 минути, бидејќи во 77. видовме нов пресврт.

Уште една резрва постигна гол. Кристенсен необјасниво остана сам во шеснаесетникот и со глава го матираше Донарума.

На „Метрополитано“, Атлетико максимално ги искористи грешките во дефанзивата на Дортмунд. „Јорганџиите“, во првото полувреме наметнаа силен пресинг, постигнаа два гола преку Де Пол во четвртата и Лино во 32.минута.

Во вториот дел, Симеоне го повлече својот тим. Атлетико чекаше нова грешка на противникот. Имаше две големи шанси но Кобел со спектакуларна одбрана го спречи ударот на Лино, а Кореа упати млак удар.

Надежите на „милионерите“ пред реваншпт им ги врати Але со голот во 81.минута.

Реваншите во Барселона и Дортмунд на програмата се во вторник на 16.април.