Руската војска распореди тактичко нуклеарно оружје долж границата со Финска

Руската војска распореди тактичко нуклеарно оружје долж границата со Финска!

Оперативно-тактички системи „Искандер-М“ се распоредени во пограничната област Карелија, пишува „Известија“, повикувајќи се на извори во Министерството за одбрана на Русија. Способни да истрелуваат крстосувачки и балистички ракети, вклучително и проектили со нуклеарен врв, Искандерите се дел од посебна ракетна бригада која неодамна стана дел од новосоздадениот воен округ Ленинград.

Руската војска распореди тактичко нуклеарно оружје долж границата со Финска

– Ленинградскиот воен округ го сочинуваат 11-тиот и 14-тиот армиски корпус, кои се сместени во регионите Калининград и Мурманск – велат извори на „Известија“.

Во април минатата година, да потсетиме, Финска влезе во НАТО и се откажа од својот неутрален статус, а поранешниот командант на Балтичката флота, адмирал Владимир Валуев, изјави дека формирањето на ракетната бригада е одговор на Москва на тој потег на нејзиниот западен сосед.

Сега границата на Русија со земјите од НАТО е зголемена за речиси 1.300 километри, додека западната алијанса ја има најголемата артилерија во Европа, која се состои од 1.500 цевки или 700 хаубици и 700 минофрлачи од голем калибар, како и 100 ракетни системи.

Финска на крајот на минатата година потпиша договор за одбранбена соработка со Соединетите Американски Држави. Американските војници имаат на располагање 15 објекти и зони во кои можат да складираат воена опрема и муниција. Тие вклучуваат четири воздушни бази, воено пристаниште и железница на северот на земјата. Магацини за воена опрема ќе бидат лоцирани покрај рутите кои водат до руската граница.

Самиот факт на повторното формирање на Ленинградскиот воен округ, кој беше укинат за време на воената реформа на почетокот на 2010-тите, укажува дека Кремљ се подготвува за голема војна со НАТО на долг рок, сметаат експертите на Институтот за проучување на војната од Вашингтон.

До неодамна, целата западна граница на Руската Федерација беше контролирана од единиците на Западниот округ, а тоа го замати стратешкиот фокус на руските сили – забележува Институтот за проучување на војната.

Со указ на претседателот Владимир Путин од 26 февруари, Западниот воен округ беше поделен на два окрузи. Москва во иднина ќе ја контролира границата со Украина и Полска, додека Ленинград ќе ја чува североисточната граница од НАТО.

Ова ќе и помогне на армијата истовремено да ги контролира борбите во Украина и да заземе стратешки позиции во однос на земјите од Северноатлантската алијанса – смета Институтот за проучување на војната.

Експертите на институтот потсетуваат и дека Кремљ одлуката за создавање на Ленинградскиот воен округ ја објасни со влезот на Финска и Шведска во НАТО.