Ученикот кој претепа наставничка, од „Димо Хаџи Димов“ ќе биде префрлен во „Владо Тасевски“
Институциите, општината и основното училиште по претседателските избори ќе бараат решение за ученикот кој вчера претепа наставник и нападна ученици, а потоа беше приведен од полицијата. Тим на Центарот за социјални работи, поради асоцијалното однесување побарала негова хоспитализација и надзор од доктор.
Според информациите на Сител телевизија, тој и целото оделение, денеска не се појавиле во училиште. Поради страв од напад, родителите денес не ги пуштиле неговите сооченици да дојдат на училиште.
Родителите од основното училиште „Димо Хаџи Димов“ се организираат да потпишат петиција, а доколку по изборите се донесе одлука тој ќе биде префрлен во основното училиште „Владо Тасевски“.
