Украина: Русија се подготвува за затворање на границите и нова мобилизација
Резников преку видео порака им се обрати на руските граѓани. Зборувајќи руски, тој ги предупреди луѓето кои би можеле да бидат подобни за мобилизација.
– Сигурно знам дека ви останува уште една недела пред да имате избор. На почетокот на јануари руските власти ќе ги затворат границите за мажите, ќе прогласат вонредна состојба и ќе започнат нов бран на мобилизација. Границите ќе бидат затворени и во Белорусија, рече тој.
Резников предупреди дека Русите кои живеат во градовите ќе бидат особено загрозени. Кирило Буданов, шефот на украинската разузнавачка служба, за Би-Би-Си изјави дека новата руска наредба за мобилизација ќе почне на 5 јануари.
