Ќерката на Моника Белучи и Винсент Касел беше специјална гостинка на ревијата на модната куќа „Диор“

Дева Касел, модел и ќерка на познатите родители: Моника Белучи и Винсент Касел, беше специјална гостинка на ревијата на Диор во рамките на Париската модна недела.

Ревијата на Диор за есен/зима 2024-2025 беше гламурозна како и секогаш – Музејот на Роден беше избран како локација, а имаше импресивен состав на познати личности кои присуствуваа на модниот настан, вклучувајќи ги Џенифер Лопез, Доја Кет и Венус Вилијамс.

Луксузниот моден бренд со поглед кон иднината, Диор, ја покани една од најбараните модели во моментов: Дева Касел.

19-годишната ќерка на поранешната холивудска двојка Моника Белучи и Винсент Касел го зазеде своето место меѓу колегите од кралското семејство во првиот ред на Диор.

Пред шоуто, таа ексклузивно за „ELLE UK“ зборуваше за нејзината избрана облека, нејзината постојана склоност кон експериментирање со косата и најдобрите совети кои и ги дала мајка и.

Таа изјави дека за ревијата на Диор избрала сина кошула и здолниште со принтани златни детали, кои ги споила со еспадрили на платформа направени од материјал кој одговара на нејзината чанта.

На прашањето кој е најдобриот моден совет што и го дала нејзината мајка Моника Белучи, Дева рече:

„Клучот е во едноставните работи. Се држам до тоа“.