Челзи ја активираше клаузулата, го купува играчот на Барселона

Челзи постигна вербален договор со Барселона да ја активира откупната клаузула од пет милиони фунти во договорот на младиот играч на шпанскиот тим, Марк Гиу.

Челзи е подготвен да закаже медицински прегледи во Лондон за 18-годишниот напаѓач, објави Би-Би-Си.

Барселона наводно била подготвена да ја отстрани таа „скромна“ откупна клаузула од договорот нудејќи му на Гиу продолжување.

Breaking : Marc Guiu rejected two contract proposals from Barcelona to join Chelsea because he was convinced of the #chelsea project.

[ @FabrizioRomano via @BarcaTimes ] pic.twitter.com/NzihGdJwsj

— CFCBlueNews (@CFCBlueNews) June 26, 2024

Сепак, по разговорите со претставниците на шпанскиот фудбалер, блиску до трансфер е Челзи, кој ќе го засили нападот во следната сезона.

Гиу помина низ познатата фудбалска академија на Барселона Ла Масија, а минатата година на дебито за Б тимот постигна гол по само 23 секунди.

Како што пренесува Би-Би-Си, Гиу е типична и брза „деветка“, но со мало искуство, откако постигна само два гола во сениорска конкуренција.