Вашингтон и Сеул подготвуваат одговор во случај на употреба на нуклеарно оружје од Северна Кореја

САД и Јужна Кореја подготвуваат „координиран и конкретен одговор на голем број сценарија, вклучително и употребата на нуклеарно оружје од страна на Северна Кореја, изјави денеска портпаролот на Советот за национална безбедност во Белата куќа.

Тој, сепак, нагласи дека подготовките нема да вклучуваат „заеднички нуклеарни вежби“, бидејќи Јужна Кореја нема нуклеарно оружје. Сепак, САД им обезбедуваат „засилена способност за одвраќање врз основа на целиот спектар на американскиот одбранбен арсенал, додаде портпаролот.

Претходно, јужнокорејскиот претседател Јун Сук-Јол изјави дека американскиот „нуклеарен чадор“ и „проширеното одвраќање“ повеќе не се доволни за да ги смират Јужнокорејците