Дали полнењето на телефонот цела ноќ го скратува животниот век на батеријата? Еве одговори на некои заблуди за батеријата на вашиот паметен телефон.


Полнењето цела ноќ доведува до преоптоварување на батеријата – Многумина веруваат дека оставањето на телефонот на полнач преку ноќ може да доведе до проблеми со полнењето или пократко траење на батеријата. Сепак, паметните телефони се доволно паметни за да спречат преоптоварување на нивните батерии.

Кога батеријата на телефонот е наполнета до 100%, полнењето автоматски се исклучува. Штом батеријата ќе падне на 99%, батеријата полека се полни за да се врати на 100% и на тој начин да се одржи целосно полнење. Во секој случај, полнењето на телефонот преку ноќ дефинитивно не ја преоптоварува батеријата.

Батеријата ќе трае подолго ако ја оставате секогаш да се испразни до крај – Спротивно на популарното верување, оставањето на батеријата секогаш целосно да се испразни и да се полни одеднаш не прави апсолутно ништо за да ја заштити нејзината долговечност. Многу експерти велат дека идеалниот начин за користење на батеријата на паметниот телефон е да се полни кога ќе достигне приближно 20-30%, што е оптимално за нејзината долговечност.

Полнењето на ладни површини ја штити батеријата – Некои телефони се загреваат додека се полнат. Како резултат на тоа, многумина сметаат дека е подобро да го стават телефонот на ладна површина или пред вентилатор додека се полни. Сепак, држењето на телефонот на ладни површини при полнење предизвикува формирање на литиум метал во батериите. Ова придонесува за уште побрзо празнење, пренесува сајтот MakeUseOf.

Користењето на телефонот додека се полни влијае на траењето на батеријата – Користењето на телефонот додека се полни не влијае на траењето на батеријата. Единственото влијание што ова го има е тоа што полнењето може да потрае подолго.

Активниот Wi-Fi троши многу батерија – Ова е една од главните заблуди што многу луѓе ја имаат за батериите на паметните телефони. Дури и ако Wi-Fi е вклучен цело време кога телефонот е на полнач, тој користи одредена енергија. Многу мал дел од батеријата на телефонот ќе се испразни ако го оставите постојано вклучен Wi-Fi.