Литванецот Григонис, потпиша нов договор со Панатинаикос

Литванскиот кошаркар Мариус Григонис потпиша нов тригодишен договор со Панатинаикос, соопштија од клубот од Атина.

Григонис (30) е во Панатинаикос од 2022 година.

Минатата сезона во Евролигата имаше просек од 9,1 поен, 2,7 скока и 1,3 асистенции по натпревар и со тоа му помогна на клубот од Атина да ја добие седмата европска шампионска титула.

Литванскиот кошаркар во својата кариера настапуваше за Жалгирис, Пењас, Манреса, Тенерифе, Алба и ЦСКА Москва.