5 ритуали со чија помош може да постигнете летен „mindfulness“ и внатрешен мир

Летното време е идеално да се посветите на себе. Има помалку обврски, се е побавно и се чини дека имаме повеќе време за некои активности кои често паѓаат во втор план во остатокот од годината. Дека малите нешта прават разлика потврдуваат и ритуалите со кои можете да го збогатите вашето секојдневие додека се релаксирате, ја обновувате енергијата и се подготвувате за нови предизвици.

Водете дневник

Земете убава тетратка и запишете ги вашите мисли и идеи, стравови и надежи. Ставете на хартија сè за што сте благодарни, што ве прави среќни или ве мачи. Дали ќе ви биде од корист како хронологија на дневните настани или како средство за гледање на емоциите од поинаков агол, сами одлучувате. Во секој случај, пишувањето и ставањето на емоциите на хартија има терапевтски ефект и е одличен начин да го расчистите вашиот ум.

Почувствувајте ја моќта на водата

Ладен туш или скок во базен е одлично решение за брзо разладување. Сепак, ви предлагаме ова лето да се препуштите на водните радости, што ќе има придобивки за вашата благосостојба.

Внесете го летото во вашиот дом

Пријатниот простор за живеење е еден од главните фактори за доброто расположение, затоа внесете летна боја во вашиот дом. Набавете лесни завеси кои ќе овозможат сончевата светлина да ги осветли просториите. Освежете го вашиот дом со светли бои како жолта и сина и разбијте ја монотонијата со шарени дезени. Растенијата во затворен простор или свежото цвеќе ќе донесат дополнителна свежина и ќе го заокружат летниот амбиент со детали изработени од природни материјали како дрво и камен и свеќи со мирис на цитрус.

Откријте ја магијата на медитацијата

Десет минути медитација пред да го започнете денот може да направи чуда. Постигнувањето внатрешен мир, контролирање на емоциите и подобар фокус се само дел од придобивките, а со оглед на топлата сезона, се препорачува тоа да го практикувате на отворено. Како и секоја друга вештина, медитацијата бара пракса, затоа не се обесхрабрувајте ако не успеете од прв пат. Апликациите кои нудат бројни вежби, како и инспиративни цитати може да бидат корисни. Вашиот ум и тело ќе ви се заблагодарат.

Добро чувство нека поминува низ стомакот

Идеално време е да уживате во полесна храна и сезонски состојки. Летото е најбогато со свежо овошје и зеленчук како што се боровинки, краставици, лубеница и домати. Покрај тоа што се дополнителен извор на вода, тие имаат благотворно влијание врз здравјето и добрата меморија. Исто така, сега е најдобро време да го вклучите одењето на пазар во вашата рутина. Има најдобри шанси да се добие најквалитетна храна и да се поддржат локалните производители по пат.