Скопјанецот на малолетните деца им направил коктел со таблети, па откако паднале во бесознание ги оставил така..

Алкохол во комбинација со антидепресиви. Тоа е коктелот кој четириесетгодишниот скопјанец им го дал на четирите деца кои престојувале во неговиот дом. Обвинителството попладнево поднесе кривична пријава против него и тој ќе биде изведен пред судија на претходна постапка во скопскиот Основен кривичен

„Основното јавно обвинителство Скопје донесе Наредба за спроведување истражна постапка против 40-годишник осомничен за – Тешки дела против здравјето на луѓето, според член 217 став 1 од Кривичниот законик, а во врска со член 212 став 1, како и за кривично дело – Излагање на опасност според член 134 став 1 од Кривичниот законик. Осомничениот, додека на 11 јули во вечерните часови во неговиот дом престојувале четири деца на возраст од 15 до 17 години, ставил во промет лекови што се штетни за здравјето.Тој заедно со децата почнал да конзумира алкохол и во текот на вечерта извадил лекови “тергатол 200 мг”, “запира 10 мг” и “дијазепам 5 мг” кои ги користел за одвикнување од зависност од алкохол и кои им ги понудил на малолетниците да ги испијат за подобро расположение“, стои во соопштението на Обвинителството.

Што точно се случувало во четвртокот навечер засега не е познато, но во петокот околу 14 часот во домот на четириесетгодишниот скопјанец ќе дојде полиција на повик од соседите кои забележале дека нешто невообичаено се случуива во неговиот дом.

Истрагата утврдила дека тој нашол две деца во дневната соба кои биле во бесознание но не им помогнал.

„Следниот ден попладнето полициски службеници ги пронашле оштетените деца во неговиот дом во бессознание и со сериозно влошена здравствена состојба. Со возило на итна медицинска помош биле префрлени на Клиниката за токсикологија, каде што кај децата било констатирано високо присуство на бензодијазепини во крвта. Осомничениот претходно станал и во дневната соба ги затекнал децата како лежат во сериозно влошена здравствена состојба која претходно самиот ја предизвикал, но и покрај тоа ги оставил без помош“, соопштија од Обвинителството.

Од МВР соопштија дека малолетните лица се довеле до полусвесна состојба, со неконтролирано однесување, при што искршиле дел од инвентар во дневната соба во која престојувале, и при тоа се здобиле со повреди.

Од клиниката за Токсикологија соопштија дека нивната здравствена состојба се подобрува и дека се надвор од животна опасност.