Министерството за правда ќе бара екстрадиција за сите, вклучително и за Груевски, кога ќе се создадат услови за тоа

Министерството за правда со голема внимателност ги следи сите случаи за кои се бара екстрадиција, вклучително и случајот со екс-премиерот Груевски и кога ќе се создаде можност за ново барање за екстрадиција, истото ќе биде поднесено, вели во разговор со Инфомакс министерот за правда, Игор Филков.

– Последното барање за екстрадиција е од 2019 година, за сите постапки за кои е распишана потерница. Барањето за екстрадиција за Никола Груевски е одбиено од Унгарија со образложеине дека на Груевски му е даден азил и согласно нивниот закон лицето не може да се екстрадира во државата од која е дојдено. Министерството има и други барања за екстрадиција и сите се следат. И овој случај се следи многу внимателно и кога ќе се создадат услови секако дека ќе побараме барање за екстрадиција, но не тенденциозно кон одредено лице, туку се бара екстрадиција за сите кои се надвор од државата, објасни министерот за правда.