ЗЛАТНА ВИЗА – “Европската Калифорнија” ги избезуми Американците, тие масовно се доселуваат: “Безбедно, евтино, добра храна”

Многумина беа привлечени од климата, добрата храна, поевтиниот живот и можноста за патување во други делови на Европа

Нејтан Хедлок се преселил во Португалија за да избега од насилството и лошата (благо)состојба во САД, но и да продолжи да ужива во сонцето и морето што ги обожавал во Калифорнија.

Лисабон ги исполни сите критериуми“, вели 40-годишниот американски претприемач. „Има дури и висечки мост кој личи на Голден Гејт во Сан Франциско.

„Мојот партнер и јас баравме место каде што можеме да го забавиме животот и да уживаме повеќе. Составивме листа на „топ 10“ места во светот и Лисабон брзо заврши на врвот“.

Парот, кој основаше семејство откако се пресели во португалската престолнина во 2020 година, таму ги привлече климата, добрата храна, поевтиниот живот и можноста за патување во други делови на Европа. Тие, исто така, сакаа да избегаат од помрачните страни на американското општество.

„Една од главните причини зошто луѓето сакаат да се преселат овде е безбедноста на нивните деца. Тие често велат: „Не сакам моето дете да биде застрелано на училиште“, раскажува Хедлок. „Вие во Европа не сте го доживеале тоа, но во Америка тоа е реалност“.

Џен Витман, која се преселила во Лисабон од Калифорнија со сопругот и синот за време на пандемијата, тврди дека Соединетите држави „малку пукаат во шевовите“.

„Инцидентот со Џорџ Флојд, пандемијата, политичките поделби, расизмот…, сето ова стана пренагласено во Америка“.

Важна и е и европската социјална мрежа. „Ситуацијата во здравството во Америка е ужасна. Особено ако сте пензионер со здравствени проблеми. Во Америка, болеста може да ве банкротира“, рече таа.

Во Португалија живеат околу 7.000 американски граѓани, што е малку во споредба со 42.000 Британци кои ја направија земјата свој дом. Но, во последните години доаѓањето на Британците се намалува, додека бројот на Американците е двојно зголемен.

Американците таму може да бидат привлечени од „златните визи“ на Португалија, дозволи за престој за странци кои сакаат да купат недвижен имот или да пренесат капитал во Португалија.

Повеќето од нив, сепак, доаѓаат врз основа на виза Д7, за која е потребен редовен „пасивен приход“ од пензија, изнајмување или инвестиција.

Поинаков менталитет
Џоана Мендока, адвокатка во консултантската куќа за миграција Global Citizen Solutions, разговара со американски клиенти „речиси секојдневно“.

„Некои доаѓаат затоа што се дигитални номади и сакаат да работат од дома покрај море“, рече таа. „Имаме и цели семејства кои сонуваат еден ден да ги запишат своите деца на европските универзитети. И пензионери кои сакаат да продадат сè во САД за да уживаат во пензионерските денови во Португалија.

Мендока вели дека Американците имаат поинаков менталитет од другите странски инвеститори кои се намамени во Португалија со дозволи за престој и даночни олеснувања. Вели дека навистина сакаат да живеат таму и да се адаптираат.

Хедлок започна како дигитален номад во Португалија, но сега работи во инвестициски фонд кој купува земјиште за маслинови градини и насади со бадеми во ридовите Алентехо.

Областа јужно од Лисабон го потсетува на долините Напа и Сонома во Калифорнија.

„Португалските Американци“ често велат дека земјата ги потсетува на Калифорнија. „Сурфање, крајбрежје, добро вино, љубов кон морските плодови и здравата кујна и малку опуштен начин на живот“, наведуваат како заеднички карактеристики.

Португалија и Хрватска
Како и нејзините сонародници, Витман ги напушти Соединетите Држави со своето семејство за да ја избегне „поделбата“ што „ја кочи Америка “. Но, Португалија не беше нејзиниот прв избор.

„Се обидовме да се преселиме во Италија, но тие воопшто не прифаќаат американски визи“, се сеќава таа. „Тогаш се запрашавме кој во Европа ги прифаќа Американците. Испадна дека се Хрватска и Португалија“.

Таа и нејзиниот сопруг сега водат сопствена компанија за дигитален маркетинг и немаат намера да се вратат назад.

„Овде е безбедно. Се чувствуваме безбедно кога шетаме наоколу, се чувствуваме безбедно навечер. Правиме работи што не би можеле да ги направиме во Америка поради страв“, рече таа.