Повтроно откажа БЛОК 1 во Рек Битола- Се скинале цевки во котелот

На Блок 1 пред една недела беа извршени сервисно – ремонтни активности кои, за жал, не можат да предвидат или превенираат ситуација како денешната.

Блок 1 на РЕК Битола утрово е исклучен од мрежа поради скинати цевки во котелот на постројката. Во тек е дефектажа која точно ќе ги лоцира аномалиите, по што во најбрз можен рок Блокот ќе биде саниран и вратен во функција, соопштија од ЕСМ.

„На Блок 1 пред една недела беа извршени сервисно – ремонтни активности кои, за жал, не можат да предвидат или превенираат ситуација како денешната. Секој од трите блока на РЕК Битола има котел составен од цевки со должина од околу 700 километри, поставени на различни нивоа, низ кои поминува пареа со топлина од над 500 степени Целзиусови. Кон санација на оштетувањето се пристапува откако ќе се создадат физички услови за интервенција“, се аведува во соопштението.

The post Повтроно откажа БЛОК 1 во Рек Битола- Се скинале цевки во котелот appeared first on Шило Магазин.