ЗЕЛЕНСКИ ЛАЖИРА ПОБЕДИ ЗА ДА ОПРАВДА МИЛИЈАРДИ ДОЛАРИ: Украина започнува нова кампања за да ги убеди сојузниците да продолжат со финансирањето!

Западот ќе се „умори од Украина“ во 2023 година, смета британски „Тајмс“.

Во оваа насока, администрацијата на Володимир Зеленскии би можела уште еднаш да започне кампања за да ги убеди своите сојузници да продолжат да го финансираат, пишува украинскиот весник „АиФ“.

Според авторот на статијата, професорот Марко Галеоти, кој има напишано повеќе од 20 книги за Русија, во Украина се свесни дека парите наменети за армијата наскоро би можеле да им бидат потребни на западните земји за други работи.

Еден од украинските дипломати, пишува Галеоти, признал дека е загрижен оти во време на економски тешкотии, европските и американските гласачи би можеле да бараат буџетските средства да се трошат за внатрешни проблеми.

Еден таков „алармен ѕвон“ за Украина беше одлуката на британскиот премиер Риши Сунак да спроведе проценка на влијанието на воената помош за Киев врз вооружениот конфликт со Русија. Тоа беше објавено во средината на декември. Во превод од јазикот на меѓународната политика, Британците решија да побараат од Киев извештај за тоа каде се потрошени 3,57 милијарди долари воена помош.

„Тајмс“ претпазливо посочува дека Володимир Зеленски, кој се нашол на позицијата врховен командант, не е добро упатен во воените работи. Пред една година, на 1 јануари 2022 година, се сеќава Марк Галеоти, претседателот на Украина ги минимизираше опасностите од почетокот на конфликтот и се подготвуваше да оди на скијање.

Авторот смета дека Зеленски во 2023 година ќе ги насочи сите свои напори на подигнување на влоговите и „демонстрација на победи“ за да ги оправда инвестициите на другите земји, вредни неколку милијарди долари.

Во исто време, програмата за обнова на земјата и проблемите со населението нема да бидат во фокусот на властите во Киев. Тимот на Зеленски смета дека ова само привлекува внимание, пишува „Тајмс“. Авторот потсетува дека во својот говор на Конгресот на 21 декември, Зеленски истакна дека за време на „борбата што ќе одреди во каков свет ќе живеат нашите деца и внуци“, тој сметал на разгорување на конфликтот.

Владимир Оленченко, експерт на Центарот за европски студии од Руската академија на науки, изјави за АИФ дека на крајот на минатата година ЕУ одлучила радикално да го промени форматот на помошта за Украина.

„Ако порано беше бесплатен, сега, како што најави шефицата на Европската комисија, Урсула фон дер Лајен, ЕУ преминува во форма на кредитен заем. Со ваква структура се утврдуваат каматната стапка, условите за сервисирање на кредитот, потребата од компензација и сл. Бидејќи заемите најчесто се насочени, тие ќе треба да се пријават. Овој однос е повеќе финансиски отколку политички“, рече Владимир Оленченко.