Поранешниот шеф на руската вселенска агенција му испрати на Макрон дел од шрапнел со кој бил ранет во Украина

– Поранешниот шеф на руската вселенска агенција Роскосмос, Дмитриј Рогозин, денеска изјави дека на францускиот претседател Емануел Макрон му испратил дел од шрапнел што го ранил во Украина со истрел од француска хаубица „Цезар“, доставен во Киев.

Рогозин, кој ја предводи групата воени советници кои им помагаат на руските сепаратистички сили во Украина, беше ранет во грбот во декември за време на украински напад врз хотел во Доњецк, источна Украина, кој е под руска контрола. Во тој напад имаше повеќе загинати и ранети.

Рогозин тогаш објави дека нападот се случил додека тој имал „работен состанок“ во ресторанот на хотелот. Руската јавна телевизија „Русија24“, пак, тврдеше дека Рогозин таму го прославил својот 59-ти роденден со гости и музичари.

Откако беше ранет во нападот, тој рече дека бил опериран.

Рогозин објасни дека му пишал на францускиот амбасадор во Москва, Пјер Леви.

Во тој плик, со моето писмо, ќе видите дел од граната од француска  хаубица „Цезар“, калибар 155 милиметри“, напиша Рогозин во писмото објавено на Телеграм.