ЗЕЛЕНСКИ: УКРАИНА доживува „сериозна“ енергетска криза
Украинскиот претседател Володимир Зеленски изјави доцна во неделата дека ситуацијата е „сериозна“ во врска со тековните прекини на електрична енергија во земјата поради штетите предизвикани од руските напади врз критичната енергетска инфраструктура.
Зеленски и се обрати на јавноста во дневна видео порака споделена на Телеграм, истакнувајќи дека прекините на електричната енергија продолжуваат низ целата земја разурната од војна.
Тој рече дека Киев, Одеса, Лавов и другите региони се особено погодени од прекините.
Зеленскиј, пак, рече дека имал телефонски разговор со турскиот претседател Реџеп Таип Ердоган, истакнувајќи дека двајцата лидери разговарале за проширувањето на Црноморскиот коридор за жито и за глобалните случувања од големо значење за Турција и Украина.
Зеленски рече дека телефонски разговарал и со францускиот претседател Емануел Макрон и истакна дека ќе разговара со американскиот претседател Џо Бајден во наредните часови.
